Fotbolti.net
23.04.21 - 13:42
Guðmundur Aðalsteinn Ásgeirsson

ÍBV fær bandarískan varnarmann - Kristjana áfram (Staðfest)

Annie Williams.

Annie Williams.

Canon

Mynd: ÍBV

Kvennaboltinn
ÍBV hefur styrkt sig fyrir átökin í Pepsi Max-deild kvenna í sumar því Annie Williams hefur samið við félagið.
Annie er fædd 1997, uppalin í Bandaríkjunum og lék með háskólaliði South Dakota.

Annie er réttfættur varnarmaður en hún lék síðast á samningi í Kosta Ríka árið 2020 með Deportivo Saprissa. Annie var í liðinu þegar ÍBV lék æfingaleik við ÍA í gær og átti flottan leik í 4-1 sigri.

Aðeins ellefu dagar eru í fyrsta leik ÍBV í Pepsi Max-deildinni sem fer fram þann 4. maí á Hásteinsvelli þegar Þór/KA kemur í heimsókn. ÍBV og Þór/KA hafa mæst 10 sinnum á Hásteinsvelli, en ÍBV hefur unnið fimm, Þór/KA tvo og þremur lauk með jafntefli.

Þá verður Kristjana R. Kristjánsdóttir Sigurz áfram hjá ÍBV í sumar. Hún kemur á láni frá Breiðablik en hún á að baki 15 unglingalandsleiki og þykir mjög efnilegur varnarmaður. Hún spilaði 16 leiki með ÍBV í Pepsi Max-deildinni síðasta sumar og skoraði í þeim eitt mark.

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.