Steven Caulker
Jökull Elísabetarson, þjálfari Stjörnunnar, er undir mikilli pressu eftir 1-0 tap liðsins gegn Fram í gær. Liðið ætlaði sér stóra hluti á tímabilinu en liðið hefur aðeins nælt í sjö stig í fyrstu átta leikjunum.
Það var umræða um Stjörnuna í útvarpsþættinum Fótbolti.net í dag þar sem Sverrir Mar Smárason og Andri Júlíusson voru gestir hjá Elvari Geir Magnússyni og Val Gunnarssyni.
Það var umræða um Stjörnuna í útvarpsþættinum Fótbolti.net í dag þar sem Sverrir Mar Smárason og Andri Júlíusson voru gestir hjá Elvari Geir Magnússyni og Val Gunnarssyni.
„Þegar maður var að hugsa um þetta lið og hversu mikið það er búið að eyða þá er ákveðið sjokk að skoða byrjunarliðið í leiknum í gær. Það eru ekki margir leikmenn í Stjörnuliðinu sem kæmust í Fram. Þá spyr maður sig: Hvernig er búið að vera byggja þetta lið upp?" Sagði Valur.
„Ofan á stefnuleysi í spili og annað þá eru gæðin á vellinum gríðarlegt áhyggjuefni. Það er krísa þarna, þeir eru með sjö stig eftir átta leiki. Eina ástæðan fyrir því að þeir eru ekki í fallsæti er sú að það eru þrjú mikið lélegri lið þarna fyrir neðan."
„Við erum að horfa á öll hin liðin að slípa sig saman. Blikarnir og Víkingar eru farnir að skora. Allir farnir að rúlla í takt en Stjarnan er í hafinu," sagði Sverrir.
„Hann hefur ekki náð þeim árangri sem Stjörnumenn vilja að hann nái. Svo finnst mér hann ekki finna liðið sitt, veit ekkert hvar hann á að hafa Gumma Kristjáns. Hann veit ekkert hvað senter á að byrja. Andri Rúnar kemur inn í fyrstu leikina og er stórkostlegur, svo kemur Emil inn og Andri á bekkinn og sem framherji hugsaru: 'Ég er búinn að skora í þremur leikjum í röð og beint á bekkinn af því Emil er heill'," sagði Andri.
Er Jökull kominn á endastöð?
„Ég myndi segja já. Auðvitað óskar maður engum að vera rekinn. En miðað við hvernig þetta er, andleysi og annað, þá finnst manni þetta vera þannig. Þeir fara á skrið í lokaleikjunum í 22 liða móti í fyrra þegar þeir fengu Caulker inn. Svo fer hann og þeir fá ungan aðstoðarþjálfara, Hrannar Boga, og maður spyr sig hvort maður þurfi ekki einhvern til að 'challenga' þig þegar þú ert í þessari stöðu. Hann þekkir Hrannar og hann er mjög góður þjálfari, ekki að tala hann niður. Spurning hvort Caulker var mikilvægari í því hlutverki í fyrra en maður gerir sér grein fyrir," sagði Valur.
Besta karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Víkingur R. | 8 | 7 | 1 | 0 | 26 - 4 | +22 | 22 |
| 2. KR | 7 | 6 | 1 | 0 | 27 - 13 | +14 | 19 |
| 3. Fram | 8 | 5 | 2 | 1 | 21 - 13 | +8 | 17 |
| 4. Valur | 8 | 5 | 0 | 3 | 17 - 14 | +3 | 15 |
| 5. Breiðablik | 7 | 3 | 3 | 1 | 13 - 8 | +5 | 12 |
| 6. Keflavík | 8 | 3 | 2 | 3 | 11 - 12 | -1 | 11 |
| 7. KA | 8 | 3 | 1 | 4 | 9 - 10 | -1 | 10 |
| 8. ÍA | 8 | 2 | 3 | 3 | 11 - 16 | -5 | 9 |
| 9. Stjarnan | 8 | 2 | 1 | 5 | 14 - 18 | -4 | 7 |
| 10. Þór | 8 | 2 | 0 | 6 | 6 - 20 | -14 | 6 |
| 11. FH | 8 | 0 | 2 | 6 | 12 - 25 | -13 | 2 |
| 12. ÍBV | 8 | 0 | 2 | 6 | 8 - 22 | -14 | 2 |
