ÍATV, vefsjónvarpsstöð Skagamanna, hefur fengið heimild til að sýna beint frá leik ÍA og Fram í 32-liða úrslitum í Mjólkurbikar karla sem fram fer á Norðurálsvelli í kvöld.

Leikurinn hefst kl. 19:15 en útsendingin um kl. 19 þar sem meðal annars verður rifjaður upp sjö marka leikur þessara liða í 32-liða úrslitum í Borgunarbikarnum árið 2017. Hér er tengill á útsendinguna.

Búast má við spennandi leik en Skagamenn eru í fallsæti í Pepsi Max-deildinni á meðan Framarar eru með fullt hús í Lengjudeildinni.

Lengjudeildarslagur Aftureldingar og Vestra verður einnig í beinni vefútsendingu, á Afturelding TV, sá leikur hefst klukkan 18:00.

Hér að neðan má sjá hvaða leikir eru í bikarnum í kvöld, flestir verða þeir í beinni textalýsingu hér á Fótbolta.net. Stjarnan - KA og Keflavík - Breiðablik verða beint á Stöð 2 Sport.