Rasmus og þjálfarinn Chris Brazell.
Grótta tilkynnti í dag að miðvörðurinn Rasmus Christiansen væri genginn í raðir félagsins. Hann kemur til Gróttu frá ÍBV þar sem hann lék fyrri hluta tímabilsins.
„Rasmus er íslensku knattspyrnuáhugafólki að góðu kunnu en hann spilaði fyrst hér á landi árið 2010 og átti farsælan feril með ÍBV, Val og KR í efstu deild og varð m.a. Íslandsmeistari þrívegis. Ásamt því hefur Rasmus spilað með uppeldisfélagi sínu Lyngby in Danmörku, Ull/Kisa í Noregi og svo Fjölni og Aftureldingu í næstefstu deild á Íslandi," segir í tilkynningu Gróttu.
„Rasmus er íslensku knattspyrnuáhugafólki að góðu kunnu en hann spilaði fyrst hér á landi árið 2010 og átti farsælan feril með ÍBV, Val og KR í efstu deild og varð m.a. Íslandsmeistari þrívegis. Ásamt því hefur Rasmus spilað með uppeldisfélagi sínu Lyngby in Danmörku, Ull/Kisa í Noregi og svo Fjölni og Aftureldingu í næstefstu deild á Íslandi," segir í tilkynningu Gróttu.
Rasmus er 34 ára og kom einungis við sögu í sex deildarleikjum með ÍBV og tveimur bikarleikjum. Rasmus var orðaður við Gróttu fyrir tímabilið.
Magnús Örn, yfirmaður fótboltamála hjá Gróttu er spenntur fyrir komu Rasmusar: „Það er hvalreki fyrir Gróttu að fá jafn reyndan leikmann og sterkan karakter eins og Rasmus inn í hópinn. Karlaliðið er statt í brattri brekku og við vitum að Rasmus mun leggja mikið að mörkum í baráttunni sem framundan er.”
Rasmus er kominn með leikheimild og getur spilað með Gróttu gegn Grindavík á fimmtudag. Grótta er í 11. sæti Lengjudeildarinnar þegar níu umferðir eru eftir af deildinni.
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
