Guðlaugur Victor Pálsson lék allan leikinn er Darmstadt gerði markalaust jafntefli við Dynamo Dresden í þýsku B-deildinni.
Guðlaugur Victor er fastamaður í liði Darmstadt sem er komið með fimm stig eftir fjórar fyrstu umferðirnar.
Darmstadt endaði um miðja deild á síðustu leiktíð, ellefu stigum frá fallsæti og ellefu stigum frá því að komast upp.
Darmstadt 0 - 0 Dynamo Dresden
Anna Björk Kristjánsdóttir og stöllur í PSV lögðu Heerenveen að velli fyrr í dag.
Liðin mættust í fyrstu umferð deildartímabilsins á Hollandi og lenti PSV ekki í sérlega miklum erfiðleikum.
Heerenveen 1 - 4 PSV
0-1 J. Kuijpers ('14)
1-1 M. Bross ('14)
1-2 J. Smits ('24)
1-3 S. Yuceil ('53)
1-4 J. Smits ('83)
Jökull Andrésson, sem verður 18 ára um helgina, varði mark varaliðs Reading í 3-0 tapi gegn West Ham í dag.
Jökull gerðist brotlegur og fékk gult spjald undir lok fyrri hálfleiks og kom annað mark Hamranna í kjölfarið af því.
Reading er með þrjú stig eftir þrjár fyrstu umferðirnar. Liðið vann Newcastle 6-0 í fyrstu umferð en tapaði síðan fyrir Manchester United. Jökull er aðalmarkvörður varaliðsins.
West Ham U23 3 - 0 Reading U23
Böðvar Böðvarsson var þá ónotaður varamaður í 3-2 sigri Jagiellonia gegn Wisla Kraká í stórleik í efstu deild pólska boltans.
Jagiellonia er með ellefu stig eftir sex umferðir og hefur Böðvar fengið að spila tvo heila leiki hingað til. Þeir voru báðir á útivelli og lauk með jafntefli.
Jagiellonia 3 - 2 Wisla Krakow
Athugasemdir