Marcelo Bielsa hefur verið við stjórnvölinn hjá Leeds United í næstum eitt og hálft ár og hefur liðið alltaf verið í toppbaráttunni í Championship deildinni.

Leeds er í öðru sæti deildarinnar eftir þrettán umferðir en gæti dottið niður í þriðja sæti eftir leiki kvöldsins, þar sem Nottingham Forest á leik til góða og fær Hull City í heimsókn.

Stuðningsmenn félagsins eru ekki ánægðir með framherjaval Bielsa á leiktíðinni en hann hefur kosið að nota Patrick Bamford framyfir Eddie Nketiah.

Bamford, 26 ára, er kominn með 4 mörk á 999 mínútum á meðan Nketiah, 20 ára að láni frá Arsenal, er kominn með 5 mörk af bekknum, á aðeins 383 mínútum.

„Það er ekki nema fjórðungur búinn af mótinu, það er nægur tími til að breyta liðinu. Þeir gætu spilað saman og fengið báðir tækifæri til að skína," sagði Bielsa.

„Ég er að reyna að láta þetta virka. Ég get ekki farið eftir vilja stuðningsmanna því eina mínútuna vilja þeir sjá Nketiah en næstu mínútu vilja þeir sjá Bamford. Hver sem er getur verið með skoðun á fótbolta."

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit