banner
   mán 24. janúar 2022 15:30
Sæbjörn Þór Þórbergsson Steinke
Anna Björk bjargaði sennilega marki með stórkostlegri tæklingu
Anna Björk í landsleik fyrir tæpu ári síðan.
Anna Björk í landsleik fyrir tæpu ári síðan.
Mynd: Getty Images
Anna Björk Kristjánsdóttir spilaði í gær sinn fyrsta leik fyrir Inter Milan en hún gekk í raðir félagsins frá Le Havre síðasta sumar.

Meiðsli hafa hrjáð miðvörðinn en hún er orðin heil heilsu og var komin í byrjunarlið Inter þegar liðið heimsótti Lazio í gær.

Anna Björk sýndi frábæra varnartakta í seinni hálfleik þegar hún renndi sér fyrir skot á 85. mínútu. Noemi Visentin var sloppin inn fyrir vörn Inter en Anna Björk hljóp hana uppi og renndi sér fyrir skottilraun hennar.

Tæklinguna má sjá hér að neðan. í kjölfarið skoraði svo Inter tvö mörk og vann 1-3 sigur. Inter er í 5. sæti deildarinnar á meðan Lazio er í næstneðsta sæti.




Athugasemdir
banner
banner
banner