Lengjubikarinn: Þróttur skoraði á fjórðu mínútu uppbótartímanns gegn ÍBV

Þróttur R og ÍBV áttust við á AVIS vellinum í dag en spilað var í A-deild Lengjubikarsins í riðli 2. Fyrr í dag vann ÍR sigur á Fylki í sama riðli.

Gestirnir frá Vestmannaeyjum byrjuðu betur og komust í forystu þegar 26. mínútur voru liðnar. Þannig var staðan þegar flautað var til leikhlés en Þróttarar náðu að svara í þeim síðari.

Þróttur jafnaði í upphafi síðari hálfleiks og allt stefndi í 1-1 jafntefli. Það var hins vegar á 94. mínútu leiksins sem Þróttur fékk vítaspyrnu og skoraði. Dramatískt þrjú stig í hús hjá Lengjudeildarliðinu.

Þróttur er með sex stig eftir þrjá leiki en ÍBV er enn án stiga í riðlinum.

Fréttin mun uppfærast með markaskorurum.