Fotbolti.net
24.04.21 - 16:00
Fótbolti.net

Leiknir kynnir Manga Escobar formlega (Staðfest)

Leiknir kynnir Manga Escobar formlega (Staðfest)
Canon

Mynd: Fótbolti.net - Haukur Gunnarsson

Leiknir í Breiðholti hefur kynnt kólumbíska leikmanninn Andrés 'Manga' Escobar formlega en hann verður með liðinu í Pepsi Max-deildinni í sumar.

„Fyrirhugað var að kynna Kólumbíumanninn okkar, Andrés 'Manga' Escobar, með formlegum hætti fyrr en raunin er og setja þá (Staðfest) svigann en þær áætlanir runnu út í sandinn vegna síðustu Covid fótboltastöðvunar. En Manga er klár í slaginn og verður með okkur í sumar, hann hefur spilað undanfarna æfingaleiki. Hann er 29 ára vinstri kantmaður sem á að fylla skarð Vuk," segir á heimasíðu Leiknis.
Sjá einnig:
Mætti drukkinn á æfingu í Kólumbíu - „Drullu spenntur að sjá þennan gæja"

Manga hefur víða komið við á sínum ferli en hann hóf feril sinn í Deportivo Cali áður en Dynamo Kiev frá Úkraínu keypti leikmanninn. Hann hefur meðal annars spilað fyrir Vasco da Gama og var í yngri landsliðum Kólumbíu.

Hér að neðan má sjá viðtal við Manga sem Leiknir birti á miðlum sínum en Breiðholtsliðið komst upp úr Lengjudeildinni á síðasta tímabili og er spáð falli beint aftur niður.

Heimild: Leiknir

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.