25.01.23 - 12:00
Sæbjörn Þór Þórbergsson Steinke
Lék með ÍA í fyrra en er nú orðinn liðsstjóri hjá liði Willums
Wout Droste
Mynd: Fótbolti.net - Haukur Gunnarsson
Wout Droste
Mynd: Fótbolti.net - Haukur Gunnarsson
Hollendingurinn Wout Droste kom til Íslands um mitt suma 2021 og lék með ÍA út síðasta tímabil. Wout hefur nú lagt skóna á hilluna og hefur hafið störf hjá Go Ahead Eagles í heimalandinu.
Hann glímdi talsvert við meiðsli á síðasta tímabili og kom einungis við sögu í sjö deildarleikjum eftri að hafa leikið níu deildarleiki seinni hluta tímabilsins 2021.
Hann glímdi talsvert við meiðsli á síðasta tímabili og kom einungis við sögu í sjö deildarleikjum eftri að hafa leikið níu deildarleiki seinni hluta tímabilsins 2021.
Wout er fyrrum leikmaður Go Ahead Eagles, var á mála þar á árunum 2008-2010 og aftur 2019-21 áður en hann fór í ÍA.
Hjá Go Ahead Eagles er hann nú liðsstjóri, tók við af hinum 75 ára gamla Adrie Steenbergen sem hafði verið liðsstjóri í 32 ár.
Ernirnir eru í efstu deild í Hollandi og er Willum Þór Willumsson leikmaður félagsins. Liðið er í 10. sæti Eredivisie og hefur Willum verið í lykilhlutverki hjá félaginu eftir komuna frá Bate Borisov síðasta sumar.
Hjá Go Ahead Eagles er hann nú liðsstjóri, tók við af hinum 75 ára gamla Adrie Steenbergen sem hafði verið liðsstjóri í 32 ár.
Ernirnir eru í efstu deild í Hollandi og er Willum Þór Willumsson leikmaður félagsins. Liðið er í 10. sæti Eredivisie og hefur Willum verið í lykilhlutverki hjá félaginu eftir komuna frá Bate Borisov síðasta sumar.
