Nú er hálfleikur í viðureign Chelsea og Liverpool í úrslitaleik enska deildabikarsins á Wembley en staðan er markalaus í fjörugum leik.
Tvö umdeild atvik hafa litið dagsins ljós en á 23. mínútu leiksins þurfti Ryan Gravenberch að fara meiddur útaf á börum eftir að Moises Caicedo braut illa á honum. Það var engin aukaspyrna dæmd á brotið og VAR sá ekki ástæðu til þess að senda Chris Kavanagh, dómara leiksins, í skjáinn.
Á 32. mínútu gerðist annað atvik en Raheem Sterling skoraði þá eftir fyrirgjöf frá Nicolas Jackson. Það var hins vegar dæmd rangstaða í aðdragandanum sem virtist vera mjög tæpur dómur. VAR tók sér tíma í að skoða atvikið og ákvað að lokum að láta rangstöðuna standa og staðan því áfram 0-0.
Bæði lið fengu góð tækifæri til að skora en Liverpool átti skalla í stöngina seint í fyrri hálfleiknum og var þar Cody Gakpo á ferðinni. Snemma leiks fékk Cole Palmer algjört dauðafæri að koma þeim bláu í forystu en Caoimhin Kelleher varði stórkostlega.
Caicedo didn't receive a card for this challenge on Gravenberch ???? pic.twitter.com/FooPz6F8Vr
— ESPN UK (@ESPNUK) February 25, 2024
