Seinkun á úrslitaleik Reykjavíkurmótsins - Völlurinn snævi þakinn

Víkingur og Þróttur mætast í kvöld í úrslitaleik Reykjavíkurmótsins en leikurinn fer fram á Víkingsvelli.

Leikurinn átti upphaflega að hefjast klukkan 19 en búið er að fresta honum um nokkrar mínútur vegna snjókomu.

„Leiknum verður frestað um einhverjar mínútur. Hvorugt lið er byrjað að hita upp vegna mikillar snjókomu. Miðað við það sem ég heyri hefst leikurinn korter yfir sjö," skrifaði Kári Snorrason í textalýsinguna hér á Fótbolti.net.