„Geggjað, mjög spennandi að vera loksins kominn hingað. Spennandi verkefni og spennandi leikir, ég er bara mjög spenntur" sagði Viktor Bjarki Daðason leikmaður U21 landsliðsins og FCK fyrir leik gegn Eistlandi.
Varstu að búast við kallinu í A landsliðið?
„Auðvitað hefði verið gaman að fara í A landsliðið, auðvitað skipta þessir leikir líka máli en það hefði verið mjög gaman. Ég er mjög spenntur að spila þessa mikilvægu leiki og vonandi hjálpa liðinu að komast áfram."
Hvernig er staðan hjá FCK þessa daganna?
„Hún er bara eins og hún er. Ekki búið að ganga svakalega vel í deildinni, það er búið að vera mikil krítík í fjölmiðlum. Ég meina svona er fótboltinn, við verðum bara að halda áfram, vonandi tikkar þetta aftur."
Fékkstu útskýringu af hverju þú varst ekki í hóp í tveim leikjum?
„Já, það var bæði hann vildi kraft í hópinn, við skiptum um kerfi, skiptum í fimm manna, svo hann vildi meiri kraft og reynslu inn í þessa leiki. Hann gaf mér bara útskýringu á því, auðvitað var ég pirraður, vil spila alla leiki. Þannig er það bara, en svo kom ég í hóp í seinasta leik og gerði bara fínt."
„Þegar gengur illa er auðvitað pressa og kannski vill þjálfarinn gera eitthvað annað en hann hefur verið að gera. Ég bara reyndi að æfa fyrir mig sjálfan og gera mig betri."
Hvernig finnst þér stemningin vera í klúbbnum, eru stuðningsmenn æfir?
„Já, auðvitað þegar klúbburinn er svona stór í Skandinavíu þá eru kröfur á manni. Aðdáendur eru mjög reiðir núna, það er bara skiljanlegt en það er pressa en við verðum bara að halda áfram og vonandi tikkar það."
Viktor er númer 41 á lista Goal next gen um efnilegustu leikmenn.
„Bara geggjað sá þetta í gær. Það er geggjað að sjá nafnið en maður er ekkert að pæla í þessu svakalega mikið."
