Danmörk: Bröndby í umspil um Evrópusæti

Hjörtur Hermannsson lék allan leikinn í hjarta varnarinnar er Bröndby vann sinn þriðja leik í röð og tryggði sér fjórða sæti dönsku deildarinnar í lokaumferðinni.

Bröndby heimsótti OB og þurfti sigur í úrslitaleik um 4. sætið. Kamil Wilczek skoraði í fyrri hálfleik og innsiglaði Mikael Uhre sigurinn eftir leikhlé.

Fjórða sætið gefur þátttökurétt í úrslitaleik Evrópudeildarumspilsins sem verður gegn annað hvort Randers eða Århus.