Þór gerði jafntefli gegn Keflavík á Akureyri í dag en Sigurður Heiðar Höskuldsson þjálfari Þórs var allt annað en sáttur með frammistöðu liðsins í dag.
Lestu um leikinn: Þór 1 - 1 Keflavík
„Miðað við hvernig við spiluðum fyrri hálfleikinn er ég ánægður að ná allavega stigi og okkur fannst meira að segja tækifæri til að vinna þennan leik. Fyrri hálfleikurinn var svo ævintýralega slakur að ég get ekki farið fram á meira en stig í dag," sagði Siggi.
„Ég var ósáttur við allt frá A-Ö. Hugarfarið, hvernig við vorum í seinni boltum, návígum, tempóið og fókuslevelið var til skammar. Við breytum í hálfleik og Árni kemur inn og gjörbreytir leiknum, við getum þakkað honum fyrir þetta stig."
Siggi var feginn að forysta Keflavíkur var ekki meiri í hálfleik.
„Við fáum tvö færi í byrjun leiks en svo koma þeir á okkur og fá tvö til þrjú færi og þá slokknar á okkur og við erum pinkulitlir og það er bara klaufagangur hjá þeim að vera ekki meira yfir í hálfleik," sagði Siggi.
