Ívar Orri dæmir stórleikinn á Kópavogsvelli

Breiðablik tekur á móti toppliði Víkings í stórleik 12. umferðar í Bestu deildinni í kvöld.

Liðin mættust í opnunarleik deildarinnar og skildu jöfn að á Víkingsvelli. Síðan þá hafa Víkingar ekki stigið feilspor og unnið næstu ellefu deildarleiki.

Ívar Orri Kristjánsson verður með flautuna í leik kvöldsins. Honum til halds og trausts á sitthvorri hliðarlínunni verða þeir Birkir Sigurðarson og Guðmundur Ingi Bjarnason.

Jóhann Ingi Jónsson er fjórði dómari. Eftirlitsmaður er enginn annar en Kristinn Jakobsson.

Hinir fimm leikir umferðarinnar fara fram á sunnudaginn en þá mætast Breiðablik og Víkingur í undanúrslitum Mjólkurbikarsins. Upphaflega átti umræddur bikarleikur að fara fram í dag en rétthafarnir, Rúv og Sýn, víxluðu leikjunum.