Logi Ólafs: Eitt stig betra en ekkert

„Hún er bara eðlilega mjög góð, það er betra að fá eitt stig en ekkert og úr því sem komið var. Við vorum mjög slakir í fyrri hálfleik og lendum 2-0 undir en náum að jafna á síðustu sekúndum leiksins og það sýnir að það er ennþá smá töggur í okkur.\"

Andreas Larsen var mjög góður í markinu og varði oft á tíðum glæsilega, Logi hrósaði honum í hástert.

„Við erum mjög opnir í fyrri hálfleik og Andreas bjargar okkur með að vera stórkostlegur í markinu.\"

Víkingar eru ekki sloppnir við falldrauginn ennþá en geta farið ansi langt með það ef þeir vinna næsta leik á móti ÍBV, Logi veit að það verður erfiður leikur.

„Það er alveg ljóst að við verðum að ná í þrjú stig í erfiðum leik í Vestmannaeyjum og við tökum það með okkur sem gekk vel hér í dag.\"

Sölvi Geir Ottesen fyrirliði Víkinga er búinn að vera frá vegna meisðla í síðustu leikjum og er alls ekki klár samkvæmt Loga.

„Nei ég efa það, það væri þá í fyrsta lagi eftir landsleikjahléið, það er svona veik von.\"