„Ég er ógeðslega svekkt, ég get alveg viðurkennt það. Við vorum lélegar, en við vorum samt að búa okkur til einhver færi sem við hefðum átt að nýta. Vorum með boltann allan seinni hálfleikinn en vorum ekki að búa okkur til neitt þannig séð. Við vorum lélegar og áttum ekkert skilið," sagði Arna Sif Ásgrímsdóttir, fyrirliði Þórs/KA eftir tap gegn Selfossi á heimavelli í dag.
Lestu um leikinn: Þór/KA 1 - 2 Selfoss
„Nú bara reynum við eins og við getum að klára þetta með stæl og tökum restina, og sjáum hverju það skilar okkur," sagði Arna Sif, en eftir þennan leik er Þór/KA í fjórða sætinu, stigi á eftir Selfossi. Keppnin um þriðja sætið verður því hörð allt til enda. Arna er bjartsýn á að liðið nái að enda í því þriðja.
„Ég hef engar áyggjur af því."
