Malen, Maguire, Rashford, Greenwood, Yoro, Eriksen og fleiri góðir í slúðri dagsins
   lau 25. september 2021 18:02
Brynjar Ingi Erluson
Arnór Borg fagnaði í Víkinni - „Þetta finnst mér ekkert eðlilega lélegt"
Arnór Borg og Adam Ægir Pálsson fagna með Víkingum í dag
Arnór Borg og Adam Ægir Pálsson fagna með Víkingum í dag
Mynd: Fótbolti.net - Hafliði Breiðfjörð
Arnór Borg Guðjohnsen var á Víkingsvelli og tók þátt í fögnuðinum þegar Víkingur fagnaði Íslandsmeistaratitlinum eftir 2-0 sigur á Leikni í lokaumferðinni í dag en hann er harðlega gagnrýndur á samfélagsmiðlum.

Víkingur tilkynnti kaup á Arnóri frá Fylki á dögunum en hann gengur formlega til liðs við félagið eftir tímabilið.

Arnór hefur verið lykilmaður í liði Fylki sem féll niður í Lengjudeildina á dögunum en í stað þess að vera á Fylkisvellinum og kveðja tímabilið með liðsfélögum sínum þá ákvað hann að skella sér í Víkina og taka þátt í fagnaðarlátunum.

Leikmaðurinn er enn á launaskrá Fylkis og eins og áður segir en Fylkismennirnir Bjarki Már Elísson og Albert Brynjar Ingason vekja athygli á þessu á Twitter og voru ekki alls kosta sáttir við þessa hegðun.

„Arnór Borg mættur að fagna titlinum með Víkingum í stað þess að vera með liðinu sem er ennþá að borga honum laun í síðasta leiknum þegar þeir falla niður um deild. Þetta finnst mér ekkert eðlilega lélegt!!;" sagði Bjarki, sem er landsliðsmaður í handbolta.

„Til hamingju Víkingur Reykjavík með titilinn hélt með ykkur í þessu, samgleðst ykkur. Arnór Borg samt,þú ert ennþá leikmaður Fylkis, á launum þar, átt ekki að vera að hlaupa inn á völlinn eftir leik í víkinni að fagna titlinum, þú átt að taka ábyrgð á þínu í Árbænum og klára það," sagði Albert Brynjar.




Athugasemdir
banner
banner