Meiðsli Declan Rice eru ekki alvarleg

Rice, sem hefur byrjað alla deildarleiki frá komu sinni til Arsenal fyrir metfé, fór af velli í hálfleik eftir að hafa fundið fyrir óþægindum í baki.

Nú er komið í ljós að meiðsli RIce eru ekki alvarleg en ólíklegt er að hann verði í leikmannahópinum þegar liðið spilar við Brentford í enska deildabikarnum á miðvikudaginn. Hann gæti þó komið inn í byrjunarliðið fyrir leik gegn Bournemouth um næstu helgi.

Arsenal er í fimmta sæti ensku úrvalsdeildarinnar með fjórtán stig eftir sex fyrstu umferðirnar, fjórum stigum eftir Englandsmeisturum Manchester City sem eru með fullt hús stiga.