Jói Skúli spáir í 13. umferð ensku úrvalsdeildarinnar

City 1 - 3 Liverpool (í dag 12:30)
Liverpool fá alltaf á sig mark og Jeremy Doku fagnar því að vera laus úr Fantasy liðinu mínu og setur fyrsta mark leiksins áður en Liverpool valta yfir leikinn í The Steve Mcmanaman Derby.

Burnley 0 - 3 West Ham (í dag 15:00)
Það mun sennilega vanta Bowen en það skiptir engu máli í það sem gárungarnir kalla einn virtasta derby slag Bretlandseyja, The Junior Stanislas Derby.

Luton 0 - 1 Crystal Palace (í dag 15:00)
Stefán Pálsson samþykkti nýlega vinabeiðni frá mér á Fésbókinni og lít ég nú á hann sem einn af mínum bestu vinum og þess vegna ná Luton stigi í derby sem einhver má segja mér hvað heitir. Tahith Chong verður viljugur og svo er ég auðvitað mjög mikill Lockyer maður. Eða nei mér er reyndar því miður fyrir Stefán að snúast hugur. Þeir tapa þessum leik, 0-1. Hversu margir ætli hafi namedroppað Stefán.

Newcastle 2 - 0 Chelsea (í dag 15:00)
Það vantar ennþá eitthvað í Chelsea, ca 250 milljónir punda í viðbót. Norðrið er að rísa, ætli Gregg Ryder setji ekki bæði í The Damien Duff Derby.

Notthm Forest 1 - 1 Brighton (í dag 15:00)
Jafntefli í The Jesse Lingard Derby. Forest eru vanmetnir og eru með nýstofnaðan stuðningsmanna klúbb á Íslandi þar sem kóngurinn, Þorkell Diego, var mættur til að mynda stjórnarsáttmála með þjáningar bræðrum sínum. Svo held ég að de Zerbi með sína 2005 hárgreiðslu gæti verið mesta ofmat knattspyrnunnar frá því Þorgrímur Þráinsson setti markmanninn Ásgeir Þór Magnússon á vinstri kantinn í bikarleik í 2. flokki því hann var með svo mikla hlaupagetu. Frábær drengur samt, Ásgeir… og reyndar Þorgrímur líka.

Sheff U 0 -2 Bournemouth (í dag 15:00)
Sheff U, fyrrum draumaklúbbur Kára Árnasonar, munu ekki taka stig hér frekar en fyrri daginn. Þetta er ekkert eðlilega leiðinleg derby umferð þegar þú leggur þetta svona fyrir framan mig. Eða heyrðu auðvitað, The Aaron Ramsdale Derby! Ég hendi sennilega í eðlu yfir þessum og býð Kára yfir.

Brentford 1 - 2 Arsenal (í dag 17:30)
Hvað er betra á laugardagseftirmiðdegisskammdegisþunglyndinu heldur en að tylla sér fyrir framan skjáinn og sjá Mikael Arteta brjóta allar þær reglur sem nokkurn tímann hafa verið settar í tengslum við boðvanginn. Mbeumo minnkar muninn í The Ólafur Ingi Skúlason Derby.

Spurs 2 - 2 Aston Villa (á morgun)
Gæti líka alveg séð Spurs tapa þessum líka, mate. Matthew Etherington verður heiðursgestur og býður Jimmy Bullard og Helga Val á leikinn í sínum eigin derby.

Everton 0 - 3 Man Utd (á morgun)
Ef United vinna ekki þennan leik verður Erik ten Hag rekinn um jólin, ég er að sjá sennilega 19. desember. We’ve been here before. Held hann kaupi sér gálgafrest í The Louis Saha Derby.

Fulham 2 - 1 Wolves (mánudagskvöld)
Ég er gríðarlega mikill Fulham maður í mér og hef alltaf verið. Besti vinur minn, sem jafnframt er einn virtasti viðskiptaráðgjafi þjóðarinnar í tengslum við sjávarútveginn, átti einu sinni Fulham treyju sem hann lánaði mér og ég held ég hafi stolið henni. Það var því miður ekki treyjan þar sem Kofinn var sponsor, eins og virtasti skraddari þjóðarinnar Egill Ásbjarnarson kallar Pizza Hut, sem er ein af mínum uppáhalds treyjum.
Tom Cairney (köngurinn) mun leika á als oddi í the Raul Jimenez Derby.

Fyrri spámenn:
Aron Elís Þrándarson (7 réttir)
Arnar Laufdal (6 réttir)
Tómas Þór Þórðarson (6 réttir)
John Andrews (6 réttir)
Ægir Þór Steinarsson (4 réttir)
Sigurður Heiðar Höskuldsson (4 réttir)
Stefán Árni Pálsson (4 réttir)
Jón Kári Eldon (4 réttir)
Gregg Ryder (3 réttir)
Tómas Steindórsson (3 réttir)
Emil Atlason (3 réttir)

Hér fyrir neðan má sjá stigatöfluna í deildinni.