Hinn 47 ára gamli Tuchel var rekinn frá PSG síðastliðinn aðfangadag. Tuchel, sem fór með PSG í úrslit Meistaradeildarinnar á síðasta tímabili, tók við frönsku meisturunum 2017 eftir að hafa áður stýrt Mainz og Borussia Dortmund í Þýskalandi.

Lampard var stjóri Chelsea í 18 mánuði. Hann náði í 1,67 stig að meðaltali í leik sem er það fjórða minnsta sem fastráðinn stjóri Chelsea hefur fengið í úrvalsdeildinni. Síðan Abramovich eignaðist félagið hefur bara Andre Villas-Boas (47,5%) verra sigurhlutfall í öllum keppnum en Lampard (52.4%).

Chelsea er í níunda sæti ensku úrvalsdeildarinnar með 29 stig eftir 19 leiki.

Tuchel mun stýra sinni fyrstu æfingu í kvöld og fer beint á hliðarlínuna á morgun þegar Chelsea mætir Úlfunum í ensku úrvalsdeildinni.