Skoraði fimm mörk í 15 leikjum í Bestu deildinni fyrri hluta síðasta sumars.
Hefur skorað tvö mörk í tíu leikjum með U21.
U21 landsliðsmaðurinn Jóhannes Kristinn Bjarnason (2005) hefur að undanförnu verið orðaður við heimkomu til Íslands eftir um hálfs árs veru hjá Kolding í Danmörku. Fótbolti.net fjallaði um mögulega heimkomu KR-ingsins í síðustu viku.
Kolding keypti Jóhannes af KR síðasta sumar en hann hefur verið í takmörkuðu hlutverki hjá danska B-deildar liðinu. Hann hefur komið við sögu í tíu leikjum í deildinni en ekki byrjað neinn þeirra. Hann byrjaði í tveimur bikarleikjum og skoraði í sigri á Odense KFUM í 1. umferð bikarsins.
Kolding keypti Jóhannes af KR síðasta sumar en hann hefur verið í takmörkuðu hlutverki hjá danska B-deildar liðinu. Hann hefur komið við sögu í tíu leikjum í deildinni en ekki byrjað neinn þeirra. Hann byrjaði í tveimur bikarleikjum og skoraði í sigri á Odense KFUM í 1. umferð bikarsins.
Jóhannes hefur verið orðaður við endurkomu í KR og síðasta sumar var hann sterklega orðaður við Val áður en hann samdi í Danmörku.
Fleiri félög munu eflaust kanna möguleikann á því að fá Jóhannes í sínar raðir og eitt af þeim sem Fótbolti.net hefur heyrt nefnt er Fimleikafélag Hafnarfjarðar. FH ræddi við miðjumanninn Guðmund Þórarinsson fyrr í þessum mánuði en Guðmundur ákvað að semja við ÍA.
Jóhannes er sonur Bjarna Guðjónssonar og bróðir Bjarna, Jóhannes Karl Guðjónsson, er þjálfari FH.
FH er með nokkra kosti inn á miðsvæðinu. Baldur Kári Helgason og Tómas Orri Róbertsson spiluðu flesta leiki með Birni Daníel Sverrissyni á síðasta tímabili en Björn Daníel lagði skóna á hilluna í haust.
Kári Kristjánsson var keyptur frá Þrótti í vetur og Bjarni Guðjón Brynjólfsson hefur skorað í síðustu leikjum FH. Kristján Flóki Finnbogason gæti líka verið kostur inn á miðsvæðið.
Jóhannes Kristinn spilaði einnig talsvert í hægri bakverði hjá KR, en lék á miðsvæðinu framan af síðasta tímabili og fór í kjölfarið út í atvinnumennsku. Hann er samningsbundinn Kolding fram á sumarið 2029.
Jóhannes Karl - Jói Kalli - er þjálfari FH.
Athugasemdir
