Man Utd á eftir De Ligt - Greenwood eftirsóttur - Olise nálgast Chelsea - Mourinho vill fá Lindelöf
   þri 26. mars 2024 15:15
Sæbjörn Þór Þórbergsson Steinke
Hin hliðin - Theodór Ingi Óskarsson (Fylkir)
Mynd: Pétur Atli
Stígur Diljan og Cole Campbell eru different.
Stígur Diljan og Cole Campbell eru different.
Mynd: Fótbolti.net - Hafliði Breiðfjörð
Geggjaður utan vallar en...
Geggjaður utan vallar en...
Mynd: Fótbolti.net - Hafliði Breiðfjörð
Fyrtur á lista.
Fyrtur á lista.
Mynd: Fótbolti.net - Hafliði Breiðfjörð
Komd'í Fylki.
Komd'í Fylki.
Mynd: Jónína Guðbjörg Guðbjartsdóttir
Gæti mögulega bjargað málunum.
Gæti mögulega bjargað málunum.
Mynd: Fótbolti.net - Hafliði Breiðfjörð
Sælar stelpur.
Sælar stelpur.
Mynd: Fótbolti.net - Hafliði Breiðfjörð
Komið er að því að kynna betur leikmann úr liðinu sem spáð er 11. sæti í Bestu deildinni í sumar.

Theodór er unglingalandsliðsmaður sem fór árið 2022 á reynslu til ítalska félagsins Venezia.

Hann lék með 2. flokki Fylkis í fyrra og í vetur kom hann við sögu í öllum leikjum meistaraflokks í Reykjavíkurmótinu og þremur leikjum í Lengjubikarnum. Theodór Ingi er sóknarsinnaður leikmaður sem spilar annað hvort á kantinum eða í fremstu víglínu. Í dag sýnir hann á sér hina hliðina.

Fullt nafn: Theodór Ingi Óskarsson

Gælunafn: Teddi og það er örsjaldan sem pabbi notar Theo

Aldur: 18 ára

Hjúskaparstaða: Lausu

Hvenær lékstu þinn fyrsta leik með meistaraflokki og er eitthvað minnistætt úr leiknum: Febrúar 2022 æfingaleikur við Hauka, ég fékk 5 mínútur í leiknum og átti eina sendingu sem rataði á andstæðing.

Uppáhalds drykkur: Nocco Limon Del Sol og grænt VitHit

Uppáhalds matsölustaður: Gastro Truck kjúklingaburgers eru sturlaðir

Hvernig bíl áttu: Yaris

Áttu hlutabréf eða rafmynt: neibbs

Uppáhalds sjónvarpsþáttur: Love Island

Uppáhalds tónlistarmaður: Freddy Mercury er geitin

Uppáhalds hlaðvarp: Mínir menn í Gula Spjaldinu

Uppáhalds samfélagsmiðill: Ég fer alltaf á TikTok áður en ég legg símann á náttborðið

Fyrsta síðan sem þú ferð á þegar þú opnar netið: Ég er duglegasti fotbolti.net lesari sem þú finnur

Fyndnasti Íslendingurinn: Steindi Junior og Egill Breki Scheving eru yfirburða fyndnastir

Hvernig hljómar síðasta sms sem þú fékkst: “Ég er að fara að sofa... verðurðu lengi?” pabbi senti mér í gærkveldi

Hvaða liði myndir þú aldrei spila með: Fjölnir og FH eru lið sem ég fer aldrei í

Besti leikmaður sem þú hefur mætt: Stígur Diljan og Cole Campbell eru different síðan er Kennie Chopart seigur

Besti þjálfarinn sem hefur þjálfað þig: Hef verið mjög heppinn með þjálfara en ég gef Sigurði Þór Reynissyni þennan titil, frábær þjálfari en fyrst og fremst góð manneskja. Gef líka credit á Michael John Kingdom efnilegasti þjálfari landsins

Mest óþolandi leikmaður sem þú hefur mætt: Tumi Þorvars geggjaður gæi utan vallar en hundleiðinlegur leikmaður innan vallar

Hver var fyrirmyndin þín í­ æsku: Mamma og pabbi

Sætasti sigurinn: Íslandsmeistarar í 5. flokki hreinn úrslitaleikur vs FH. Tókum þá í vító og ég með seinustu spyrnuna. Alltaf sætt að vinna FH-inga

Mestu vonbrigðin: 4-3 tap gegn KFR í bikar í 2.flk er virkilega sárt sérstaklega að klúðra einn gegn marki en ég kenni grasinu um það

Uppáhalds lið í enska: Arsenal

Ef þú fengir að velja einn leikmann úr öðru íslensku liði í þitt lið: Emil Atlason

Efnilegasti knattspyrnumaður/kona landsins: Guðmar Gauti er on another level góður síðan er litla systir sem er eftir að ná langt REMEMBER THE NAME: Jóhanna Ósk

Fallegasti knattspyrnumaðurinn á Íslandi: Óskar Borgþórs er beautiful

Fallegasta knattspyrnukonan á Íslandi: Karólína Lea

Besti knattspyrnumaðurinn frá upphafi: Thierry Henry

Hver er mesti höstlerinn í­ liðinu: Unnar Steinn er rosalegur

Uppáhalds staður á Íslandi: Árbæjarlaugin og Fylkisheimilið eru í miklu uppáhaldi síðan er alltaf gaman að kíkja til ömmu og afa uppá Skaga

Segðu okkur frá skemmtilegu atviki sem gerst hefur í leik: Spilaði gegn Franz Bergmann í 2.flokki gegn ÍA þegar hann tók mig hálstaki og ég vissi ekki hvert maðurinn ætlaði en tveim mánuðum seinna kemur hann í Fylki og erum mjög góðir félagar í dag

Ertu með einhverja hjátrú tengda fótbolta: Alltaf sama fagnið!

Fyrir utan knattspyrnu, fylgist þú með öðrum íþróttum: Á fimmtudögum sest maður í sófann með brósa og horfir á Premier League í pílu

Í hvernig fótboltaskóm spilar þú: Adidas crazyfast

Í hverju varstu/ertu lélegastur í­ skóla: Öllu nema íþróttum

Vandræðalegasta augnablik: Þegar ég saggaði óvart of mikið í leik að það sást í rassinn minn þegar ég lyfti upp höndunum og var að biðja um boltann en ég var frekar skömmustulegur þegar mamma sagði mér frá þessu eftir leik og allir í stúkunni tóku eftir þessu

Hvaða þrjá leikmenn tækir þú með þér á eyðieyju og af hverju: Ragnar Bragi er fyrstur á lista þar sem hann getur bæði haldið manni á lífi og kemur með stemnings brandara inná milli síðan tæki ég Stebba Gísla fyrir góðan félagsskap og Orra Segatta sem gæti mögulega bjargað okkur þaðan

Hvern í liðinu þínu myndirðu velja til að taka þátt í sjónvarpsþáttaröð: Myndi vilja sjá Þórð Gunnar taka þátt í Love Island

Sturluð staðreynd um sjálfan þig: Ég er skíthræddur við fugla, dúfur eru ógeðsleg dýr

Hvaða samherji hefur komið þér mest á óvart eftir að þú kynntist honum og af hverju: Matthias Præst toppnáungi og fáranlega góður í bolta, fylgist með honum í sumar

Hverju laugstu síðast: Laug að félagsfræðikennaranum mínum að ég væri búinn með verkefni svo ég gæti farið fyrr úr tíma

Hvað er leiðinlegast að gera á æfingum: Sendingaræfingarnar hans Olla eru ekkert spes eða hlaupin hjá Rúnari og Olla

Ef þú fengir eina spurningu til að spyrja hvern sem er: Hver yrði spurningin og hvern myndiru spyrja: ég myndi spyrja Edu og Arteta afhverju þeir eru ekki löngu búnir að signa striker
Athugasemdir
banner
banner