Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
Höskuldur skoraði tvö: Var með ágætis tilfinningu í nýjum skóm
Jón Þór: Þessi leikur á eftir að nýtast okkur helling
Dóri staðfestir viðræðuslitin: Var kannski ekki eins og menn höfðu séð fyrir sér
Gummi Tóta: Vonaðist til að hjálparvörnin kæmi
Andri Lucas: Vonandi komumst við á stórmót eins fljótt og hægt er
Daníel Leó: Menn eru ennþá í áfalli
Hákon Arnar: Ég vona það fyrir framtíðina
Stefnan er sett á HM - „Maður lærir mest þegar á móti blæs“
„Ekkert eðlilega svekkjandi, ömurlegt bara"
Jói Berg: Grátlegt að vera svona nálægt þessu og ná ekki á EM
Jón Dagur: Líður eins og tímabilið sé búið
Hareide lítur björtum augum á framtíðina - „Þurfum fleiri varnarmenn"
Furðar sig á ákvörðun Rebrov - „Held að Guðmundsson skori"
Beðið um mynd í miðju viðtali - „Ef þú syngur með okkur í 90 mínútur þá ertu í Tólfunni"
Joey Drummer: Besta stund sem ég hef upplifað
Siggi Bond með innherjaupplýsingar fyrir leikinn í kvöld
Sjáðu auglýsinguna fyrir Bestu deildina 2024 - Þekkt andlit í nýjum aðstæðum
27 þúsund miðar seldir á Úkraína - Ísland í Wroclaw skálinni
Víðir Sig: Væri gaman ef annar draumur myndi rætast í þessari borg
Jói bjartsýnn á að geta spilað - „Það róaði taugarnar ansi mikið"
   fös 26. maí 2023 22:56
Sæbjörn Þór Þórbergsson Steinke
Fúsi hálf orðlaus með úrslitin - „Vítateigarnir drápu okkur"
Lengjudeildin
Úti á vellinum gekk leikplanið fullkomlega
Úti á vellinum gekk leikplanið fullkomlega
Mynd: Fótbolti.net - Hafliði Breiðfjörð
Þessi mörk sem þeir skora eru bara lufsu mörk
Þessi mörk sem þeir skora eru bara lufsu mörk
Mynd: Fótbolti.net - Haukur Gunnarsson
Hann veit það best sjálfur að hann þarf að nýta þau betur
Hann veit það best sjálfur að hann þarf að nýta þau betur
Mynd: Fótbolti.net - Hafliði Breiðfjörð
Vonandi er hann klár í næsta leik.
Vonandi er hann klár í næsta leik.
Mynd: Fótbolti.net - Hafliði Breiðfjörð
„Ég var að segja við strákana að ég væri hálf orðlaus, miðað við hvað við vorum með mikla yfirburði í þessum leik þá er óskiljanlegt að við skyldum tapa leiknum. Við vorum því miður ekki nógu sterkir í vítateigunum, gefum of auðveld mörk og erum ekki nógu effektífir í vítateig andstæðinganna," sagði Vigfús Arnar Jökulsson, þjálfari Leiknis, eftir tap gegn ÍA í Lengjudeildinni í kvöld.

Lestu um leikinn: Leiknir R. 2 -  3 ÍA

Leikmyndin eins og Leiknir vildi hafa hana
„Fótbolti er bara þannig að vítateigarnir ráða oft úrslitum. Það er eitthvað sem við þurfum að bæta okkur í og gefa í. Úti á vellinum gekk leikplanið fullkomlega, leikmyndin var nákvæmlega eins og við vildum hafa hana, vorum með yfirburði milli vítateiganna en því miður drápu vítateigarnir okkur í dag."

„Þessi mörk sem þeir skora eru bara lufsu mörk og ég veit ekki hvað við eigum margar snertingar í vítateig andstæðinganna, mörg skot á mark og margar fyrirgjafir. Við þurfum bara að vera betri í þessum mómentum og það er bara verkefnið hjá okkur núna."


„Vorum ekki nógu effektífir í vítateigunum"
ÍA komst yfir snemma leiks en Leiknir jafnaði leikinn undir lok hálfleiksins. Fúsi var á því að Leiknir hefði átt að leiða í hálfleik.

„Við vorum búnir að pinna þá niður, herjuðum á þá, áttum skot en allt fór framhjá, komu fyrirgjafir en það var enginn til að tengja fyrirgjöfina. Úti á vellinum voru strákarnir að gera allt sem ég bað þá um að gera og við áttum fyllilega skilið að jafna."

„Ég hélt að Skaginn myndi koma á okkur með vindinum í seinni hálfleik en þeir féllu svolítið af okkur. Við náðum að keyra vel á þá á móti vindinum en vorum ekki nógu effektífir í vítateigunum."


Þá verða leikirnir oftast erfiðir
ÍA komst í 1-2 eftir u.þ.b. tíu mínútur í seinni hálfleik. Sindri Björnsson fór í kjölfarið meiddur af velli og við tók kafli þar sem Leiknir fékk nokkur dauðafæri, en inn vildi boltinn ekki.

„Ég veit ekki (hvernig boltinn fór ekki inn), sóknarmennirnir mínir voru bara ekki nógu effektífir. Við skutum framhjá, fyrirgjöf sem rúllaði milli varnar og markmanns enginn sem hljóp á boltann, náum að sóla markmanninn einu sinni en minn maður tók of margar snertingar og var tæklaður. Það var sagan í þessum leik."

ÍA komst yfir með marki eftir klaufagang inn á markteig Leiknis í hornspyrnu. „Það var mjög svekkjandi, algjör óþarfi að fá það mark á sig, einhver lufsu hornspyrna og við vorum bara alltof linir. Ef þú færð svona mörk á þig í fótboltaleikjum þá verða þeir oftast erfiðir fyrir þig."

Hann veit það best sjálfur
Omar Sowe skoraði tvö mörk fyrir Leikni í leiknum en hefði svo sannarlega getað gert fleiri mörk í leiknum. Fúsi var spurður hvort hægt væri að vera mjög pirraður út í framherjann.

„Ég er aldrei pirraður út í leikmennina mína nema stundum ef þeir eru ekki að gera hlutina sem ég segi þeim að gera. Ég veit að Omar er að reyna gera sitt besta og hann fékk fleiri færi. Hann veit það best sjálfur að hann þarf að nýta þau betur. Það voru aðrir sem fengu líka mjög góð færi og þeir nýttu þau ekki. Strákarnir eru hundsvektir út í sjálfa sig inni í klefa."

„Ég sagði við þá að við svekkjum okkur í kvöld, svo er æfing í fyrramálið og við bara rífum okkur í gang þar. Svo er það bara næsta verkefni og næsti leikur."


Með góðum frammistöðum koma sigrar
Tapið var þriðja deildartap Leiknis í röð og fjórða tapið í röð í öllum keppnum.

„Já, það er það (erfitt). Satt best að segja bjóst ég ekki við því að vera á þessum tímapunkti með fjögur töp í röð á bakinu. Þessi leikir hafa verið þannig að við höfum ekki verið lakara liðið í leikjunum. Þetta er sérstök staða, en ég veit að það er alltaf þannig í fótbolta að ef maður skilar góðri frammistöðu, þá koma sigrarnir. Þetta snýst bara um þrautseigju, þolinmæði og að halda áfram - það er aðalmálið."

Ósvald að snúa til baka
Að lokum var spurt út í Ósvald Jarl Traustason sem var í liðstjórn Leiknis í dag. Fúsi sagði að hann vonaðist til þess að vinstri bakvörðurinn yrði klár í næsta leik. „Hann er að koma til baka, byrjaður að hlaupa á fullu og búinn að æfa aðeins með okkur. Í næstu viku getur hann farið í 'contact' og vonandi er hann klár í næsta leik," sagði Fúsi að lokum.

Næsti leikur Leiknis er gegn Gróttu á útivelli næsta föstudag.
Stöðutaflan
  L U J T ms: mf: mun Stig
0 0 0 0 0 0 0 0 0
Athugasemdir
banner
banner
banner
banner