Rayan til Bournemouth (Staðfest) - Karnivalstemning

Hinn nítján ára gamli Rayan hefur gengið í raðir Bournemouth. Hann segist vonast til þess að gleðja stuðningsmenn.

Rayan kemur frá Vasco de Gama og skrifaði undir fimm og hálfs árs samning. Kaupverðið er 25 milljónir punda en gæti hækkað upp í 30 eftir ákvæðum.

„Rayan er leikmaður sem við höfum fylgst náið með og hefur þegar sýnt mikinn stöðugleika og þroska miðað við aldur. Við teljum hann geta náð mjög langt og að við getum boðið honum upp á rétta umhverfið til að láta að sér kveða," segir Tiago Pinto, yfirmaður fótboltamála hjá Bournemouth.

Rayan skoraði 20 mörk í 57 leikjum fyrir Vasco da Gama og skoraði tvisvar fyrir U20 lið félagsins. Hann er örvfættur sóknarmaður sem getur spilað í öllum sóknarstöðunum.

Honum er ætlað að fylla skarð Antoine Semenyo sem var seldur til Manchester City fyrr í þessum mánuði.