Hann hefur þurft að fara í tvær aðgerðir á sjö mánuðum en hinn 23 ára gamli Sessegnon reyndi að snúa aftur í leik með U21 liði Tottenham í síðustu viku. Hann spilaði rúmlega hálftíma áður en hann fór meiddur af velli.

Það hefur gengið erfiðlega hjá Sessegnon að koma til baka en hann verður núna frá næstu tíu til tólf vikurnar og spurning hvort að hann spili eitthvað meira á tímabilinu.

„Ég er miður mín. Þegar ég sá ljósið við enda ganganna þá lenti ég í öðru áfalli," segir Sessegnon í yfirlýsingu.

Sessegnon segist ætla að gera allt sem hann getur til að snúa aftur sterkari til baka.