Evrópudeildin: Elías og Hákon mæta enskum liðum

Nú í hádeginu var dregið í 16-liða úrslit Evrópudeildarinnar. Leikirnir í 16-liða úrslitum verða spilaðir 12. mars og 19. mars.

Landsliðsmennirnir Elías Rafn Ólafsson og Hákon Arnar Haraldsson munu báðir etja kappi við enskt úrvalsdeildarlið.

Elías mun standa vaktina í marki Midtjylland gegn Nottingham Forest. Liðin mættust í Skírisskógi í deildarkeppninni og þar vann danska liðið 3-2 útisigur.

Hákon og félagar í Lille mæta Aston Villa og þá drógust Sverrir Ingi Ingason og félagar í Panathinaikos gegn Real Betis. Meðal annarra leikja í 16-liða úrslitum er ítalskur slagur milli Roma og Bologna.