Vestri 0 - 2 Grindavík
0-1 Óskar Örn Hauksson ('45 )
0-2 Óskar Örn Hauksson ('84 , víti)
Rautt spjald: Fatai Adebowale Gbadamosi, Vestri ('86) Lestu um leikinn
Fjórða umferðin í Lengjudeild karla hélt áfram í dag en þá mættust Vestri og Grindavík á Ísafirði. Grindavík var með sjö stig fyrir leikinn en Vestri var í næst neðsta sætinu með tvö stig.
Fyrri hálfleikurinn var frekar rólegur en eftir því sem leið á hann náðu Vestra menn meiri völd á leiknum en það voru hins vegar gestirnir sem tóku forystuna seint í fyrri hálfleiknum. Óskar Örn Hauksson skoraði þá eftir góðan undirbúning frá Degi Inga Hammer.
Bæði lið áttu færi í síðari hálfleiknum en undir lok leiks gerði Óskar sitt annað mark og kláraði dæmið. Hann skoraði þá af vítapunktinum en brotið hafði verið á Degi. Undir lok leiks fékk Fatai Gbadamosi rautt spjald.
„Fatai með eitthvað kjaftæði við Arnar dómara, boltinn ekki í leik. Sá ekki betur en að hann hafi fengið tvö gul á sömu mínútunni," skrifaði Hákon Dagur Guðjónsson í beinni textalýsingu.
2-0 lokatölur og er Grindavík nú með 10 stig eftir fjóra leiki en Vestri einungis með tvö.
| Lið | L | U | J | T | Mörk | mun | Stig |
|---|---|---|---|---|---|---|---|
| 1. ÍA | 22 | 15 | 4 | 3 | 54 - 31 | +23 | 49 |
| 2. Afturelding | 22 | 13 | 4 | 5 | 60 - 33 | +27 | 43 |
| 3. Fjölnir | 22 | 12 | 6 | 4 | 55 - 32 | +23 | 42 |
| 4. Vestri | 22 | 11 | 6 | 5 | 37 - 26 | +11 | 39 |
| 5. Leiknir R. | 22 | 11 | 2 | 9 | 47 - 37 | +10 | 35 |
| 6. Grindavík | 22 | 8 | 4 | 10 | 27 - 38 | -11 | 28 |
| 7. Þór | 22 | 8 | 3 | 11 | 27 - 39 | -12 | 27 |
| 8. Þróttur R. | 22 | 7 | 5 | 10 | 45 - 46 | -1 | 26 |
| 9. Grótta | 22 | 6 | 8 | 8 | 34 - 37 | -3 | 26 |
| 10. Njarðvík | 22 | 6 | 5 | 11 | 36 - 47 | -11 | 23 |
| 11. Selfoss | 22 | 7 | 2 | 13 | 37 - 49 | -12 | 23 |
| 12. Ægir | 22 | 2 | 3 | 17 | 23 - 67 | -44 | 9 |
