Fótbolti.net

Halli eftir stórt tap: Vona að ég geti náð í menn ef þetta lagast ekki

Jóa fannst Grindvíkingar brotna - „Hann gerir bara svo mikið fyrir liðið"

Bergvin í gir eftir þrennu: Djöfull hlakka ég til að pakka Árna Guðna saman

Kristófer hat-trick hero: Okkar vantaði mörk og hann bað mig bara um að gera mitt

Gunnar Már: Rautt spjald, nýr markmaður og mark á okkur á sömu mínútu

Jökull: Kristófer algjörlega á deginum sinum og kláraði allt

Gústi Gylfa: Getum ekki byrjað leiki svona

Hemmi: Verður að opna töskuna og sjá hvað kemur upp

Ibrahima Balde: Fyrsta þrennan síðan ég var 16 ára gamall

Venni: Við erum með þá í lás

Haddi: Hefðum getað fengið á okkur fjögur mörk í fyrri hálfleik

Bjarni Jó: Við berjumst fyrir því að fá Jón Daða

Dóri Árna mjög léttur: Ekki gleyma Kidda Jóns

Túfa: Hann uppsker fyrir sína vinnu og þolinmæði

Cecilía: Þetta er ný regla og allir eru að læra hana

Karólína: Hún var svo reið inn á vellinum

Landsliðsþjálfarinn fékk mörg svör - „Þetta var það sem stóð til boða"

Siggi Höskulds: Ég held að Fjölnir hafi ekki fengið eitt einasta færi

Adam Ægir nýtti tækifærið í botn - „Ekki búið að vera auðvelt"

Fékk gjöfina sem hún vildi á stórafmælinu - „Er samt bara 25"

fös 27. júní 2025 21:41

Guðmundur Aðalsteinn Ásgeirsson
Stara Pazova

Landsliðsþjálfarinn fékk mörg svör - „Þetta var það sem stóð til boða"

Þorsteinn Halldórsson, landsliðsþjálfari.

Mynd: Fótbolti.net - Hafliði Breiðfjörð

Fyrir leikinn í Stara Pazova í kvöld.

Mynd: Fótbolti.net - Guðmundur Aðalsteinn Ásgeirsson

„Ég tek bara margt úr þessum leik. Pressan var góð á köflum og í byrjun var hún frábær. Við vorum líka að skapa okkur og skora þegar við unnum boltann. Við vorum beinskeytt í leiknum og þær voru meira með boltann, en það er ekkert sem við vorum að stressa okkur á. Það snýst um hvað þú gerir við boltann þegar þú vinnur hann," sagði Þorsteinn Halldórsson, landsliðsþjálfari Íslands, eftir kærkominn sigur í kvöld.

Stelpurnar mættu Serbíu í síðasta vináttuleiknum fyrir EM og var niðurstaðan 1-3 sigur.

Lestu um leikinn: Serbía 1 - 3 Ísland

„Það kom smá þreyta í okkur á köflum, en heilt yfir var ég sáttur við margt í leiknum. Við sköpuðum fullt af færum fannst mér og við komumst í góðar stöður. Ég er ágætlega sáttur við þennan leik," sagði Steini.

Fékkstu mörg svör í þessum leik?

„Já, ég myndi telja það alveg. Það var margt sem kom út úr þessu sem maður vildi sjá frá leikmönnum. Spilamennskan heilt yfir var fín. Það var ágætis taktur í liðinu. Við náðum alveg líka að losa pressuna þeirra og opna þær þannig. Það var margt jákvætt. Auðvitað kom kafli - sem gerist alltaf í fótboltaleikjum - að það liggur aðeins á þér en þá þurftum við að vera skipulagðar varnarlega og mér fannst við díla ágætlega við það."

Það var lítil stemning á leiknum og fáir áhorfendur enda ekki mikill áhugi á kvennabolta í Serbíu. Hefði verið skemmtilegra að spila síðasta leikinn fyrir EM í stemningu á Íslandi?

„Okkur hefur liðið mjög vel hérna og við höfum æft vel, fundað og liðið vel. Við erum í flottu umhverfi við flottar aðstæður. Auðvitað er alltaf gaman að spila fyrir íslenska áhorfendur en þetta var það sem stóð til boða og við erum mjög sátt við þetta."

Steini segir að það hafi margt gott komið út úr dögunum í Stara Pazova á Serbíu. Liðið er núna á leið á EM þar sem markmiðið er að komast upp úr riðlinum.

Allt viðtalið er í spilaranum hér að ofan.