Ítalía um helgina - Inter heimsækir Juventus

26. umferðin í Seríu A fer fram um helgina. Það er að segja ef Kórónaveiran veldur því ekki að þurfi að fresta leikjum. Leiki helgarinna og stöðuna í deildinni má sjá neðst í fréttinni.

Þrír leikir eru settir á laugardag. Lazio getur komist á toppinn með sigri á Bologna og þá mætir Napoli liði Torino í kvöldleiknum.

Sex leikir eiga að fara fram á sunnudag. Veislan hefst fyrir hádegi með leik AC Milan og Genoa. Þrír leikir hefjast klukkan 14:00 og svo tekur Cagliari á móti Roma.

Lokaleikur sunnudagsins er svo viðureign Juventus og Inter. Inter lék ekki um síðustu helgi vegna smithættu og er sex stigum á eftir toppliðinu en á leik til góða.

Umferðinni lýkur svo með viðureign Sampdoria og Verona á mánudagskvöldið.