Real Madrid hefur ákveðið að leggja heilbrigðisyfirvöldum í Madríd lið með því að hrinda af stað söfnun og bjóða heimavöll sinn, hinn heimsfræga Santiago Bernabeu, sem vörugeymslu.
Markmið Real Madrid er að safna saman og koma nauðsynjavörum í baráttunni gegn kórónuveirunni til þeirra sem mest þurfa á að halda.
Bernabeu verður notaður sem vörugeymsla fyrir vörurnar sem safnast saman og hvetur Real Madrid einstaklinga og fyrirtæki til að leggja sér lið í þessari mikilvægu baráttu.
Félagið hefur verið gagnrýnt fyrir að leggja ekki meira af mörkum en mörg félög hafa þegar boðið leikvanga sína sem sjúkraaðstöðu fyrir sýkta einstaklinga.
Athugasemdir
