Tómleg stúka Víkingum í hag - „Allt önnur skepna úti“

Farnir að kannast við sig í Ungverjalandi
Aðeins tvær vikur eru síðan Víkingar voru síðast í Ungverjalandi er þeir heimsóttu ungverska meistaraliðið ETO Györ. Víkingar fóru inn í leikinn með eins marks forskot úr fyrri viðureigninni, rétt eins og þeir gera á morgun, og tryggðu sér sæti áfram með jafntefli í Györ.

„Þetta er svipað leiknum gegn Györ – við erum að fara að spila gegn góðu liði. Það er meiri spenningur í hópnum frekar en stress. Við þurfum að reyna að hafa gaman að þessu líka.“

Veit ekki við hverju á að búast
Fyrri leikur liðanna í Víkinni var virkilega fjörugur og orkustigið var hátt í báðum liðum. Daníel segist ekki vita hvort það sama verði upp á teningnum á morgun.

„Maður veit það ekki alveg. Í gegnum árin hefur maður lært það að þetta er allt önnur skepna þegar maður er kominn út. Maður veit ekki við hverju á að búast. Allt annar leikur. Það er meiri hiti hérna, spilum á grasvelli, aðeins öðruvísi aðstæður. Ég vona að þetta verði jafn skemmtilegur leikur og fyrri leikurinn.“

Tómur 'heimavöllur' Ísraelana
Leikið verður á Haladás leikvanginum í Szombathely í Ungverjalandi vegna átakanna í Ísrael. Völlurinn tekur um níu þúsund manns en búist er við að nokkur hundruð stuðningsmenn Hapoel leggi leið sína á leikinn. Á heimaleikjum liðsins í Ísrael eru áhorfendur yfirleitt um 16 þúsund.

„Það hjálpar klárlega. Það er okkur í hag, það segir sig sjálft. Þeir fá ekki sömu hvatningu og ef þeir væru á heimavelli, við þurfum að reyna að nýta það,“ segir Daníel að lokum.

Viðtalið má sjá í heild sinni í spilaranum að ofan