Leeds er að sanna sig sem eitt skemmtilegasta lið ensku úrvalsdeildarinnar.

Nýliðarnir unnu góðan sigur á Everton í deildinni í dag. Bæði lið fengu fullt af færum en það var Leeds sem skoraði eina markið á 79. mínútu. Það gerði Raphinha með góðu skoti.

Leeds átti 23 skot að marki í leiknum, en liðið hefur átt 87 skottilraunir í fjórum leikjum gegn Aston Villa, Arsenal, Everton og Manchester City. Fjölmiðlamaðurinn Adam Crafton segir frá þessu á Twitter.

Arsenal og Man City voru fyrir fram talin tvö af sex sterkustu liðum deildarinnar. Villa og Everton eru í sjötta og sjöunda sæti deildarinnar sem stendur.

Leeds vann bæði Villa og Everton á útivelli, en gerði jafntefli við Arsenal og City á heimavelli. Marcelo Bielsa, stjóri Leeds, hefði örugglega viljað sjá liðið nýta færin betur, þá sérstaklega á móti Arsenal þar sem leikar enduðu 0-0.

Leeds, sem leggur ekki rútunni í leikjum, er í 11. sæti með 14 stig úr tíu leikjum.

Leeds have had 87 shots in four games v Everton, Arsenal, Villa and Manchester City. Quite mad.

— Adam Crafton (@AdamCrafton_) November 28, 2020

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit