Fotbolti.net
29.01.21 - 15:08
Magnús Már Einarsson

Jökull aftur til Exeter (Staðfest) - Verður út tímabilið

Jökull aftur til Exeter (Staðfest) - Verður út tímabilið
Canon

Mynd: Fótbolti.net - Hafliði Breiðfjörð

Jökull Andrésson, markvörður Reading, hefur gert lánssamning við Exeter út tímabilið.

Hinn 19 ára gamli Jökull varði mark Exeter í sex leikjum fyrir áramót þegar meiðsli voru hjá liðinu en hann var þá á neyðarláni.

Frammistaða Jökuls var góð og Exeter hefur nú samið við Reading að fá leikmanninn á láni fram á vor.
Í þessari viku var Jökull á neyðarláni hjá Morecambe í D-deildinni en hann átti meðal annars frábæran leik í sigri á félögum sínum í Exeter.

Frammistaða Jökuls þar skilaði honum í lið umferðarinnar í ensku D-deildinni en hann er nú farinn frá Morecambe og klárar tímabilið með Exeter.

Exeter er í dag í 9. sæti í D-deildinni, tveimur stigum frá sæti í umspili.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.