Fimm leikir í ensku úrvalsdeildinni á hlutlausum völlum

Lögregla hefur óskað eftir að fimm leikir í ensku úrvalsdeildinni fari fram á hlutlausum völlum þegar keppni í deildinni hefst á nýjan leik.

Enska úrvalsdeildin hefst aftur 17. júní og lýkur fyrir ágúst. Engir áhorfendur verða á leikjunum vegna kórónaveirunnar en þrátt fyrir það hefur lögregla óskað eftir að fimm leikir verði færðir á hlutlausan völl.

Þar á meðal er nágrannaslagur Everton og Liverpool en síðarnefnda liðið gæti mögulega tryggt sér titilinn í þeim leik.