Rashford yfirgefur Man Utd - Tottenham á eftir Alberti
   þri 29. nóvember 2022 16:27
Guðmundur Aðalsteinn Ásgeirsson
Telur að Gakpo muni núna kosta 80 milljónir evra
Cody Gakpo.
Cody Gakpo.
Mynd: EPA
Cody Gakpo var mjög eftirsóttur síðasta sumar. Hann var sterklega orðaður við Manchester United en svo komu Leeds og Southampton einnig inn í myndina.

En PSV Eindhoven, félag hans í Hollandi, kaus að selja hann ekki og var hann áfram í herbúðum félagsins.

Það er ákvörðun sem hefur borgað sig fyrir PSV því núna er hann búinn að slá í gegn á HM í Katar. Þessi 23 ára gamli leikmaður er búinn að skora í þremur leikjum í röð.

Gakpo hefur farið með himinskautum á tímabilinu með PSV Eindhoven. Hann er búinn að koma að 36 mörkum á tímabilinu og það eru ekki komin áramót.

Ronaldo de Boer, fyrrum landsliðsmaður Hollands, segir að Gakpo sé í dag metinn á 80 milljónir evra og muni kosta miklu meira en hann hefði gert ef hann hefði verið seldur síðasta sumar. Þolinmæði PSV borgaði sig.


Athugasemdir
banner
banner
banner