Fotbolti.net
30.01.21 - 11:00
Ívan Guðjón Baldursson

Birna Dís í Fylki (Staðfest) - Fjórar framlengja

Birna Dís í Fylki (Staðfest) - Fjórar framlengja
Canon

Mynd: Fótbolti.net - Einar Ásgeirsson

Kvennaboltinn
Það voru fréttir að berast úr Árbænum þar sem kvennalið Fylkis var að semja við fjóra leikmenn sína og krækja í efnilegan leikmann frá Stjörnunni.
Birna Dís Eymundsdóttir kemur frá Stjörnunni en hún er fædd 2004 og varð Íslandsmeistari í 2. flokki með Garðbæingum í fyrra. Birna er markvörður og hefur spilað einn skráðan æfingaleik með meistaraflokki Stjörnunnar.

Fylkir var þá einnig að semja við ungar stelpur í sínum eigin röðum sem skrifa undir samninga sem gilda út tímabilið 2022. Þetta eru fyrstu meistaraflokkssamningar stelpnanna sem eru allar fæddar 2004 og hafa áður tekið þátt í leikjum með meistaraflokki.

Þær heita Agnes Birta Eiðsdóttir, Erna Sólveig Sverrisdóttir, Katrín Vala Zinovieva og Tinna Haraldsdóttir og hafa í heildina spilað 9 leiki fyrir meistaraflokk Stjörnunnar.

„Gangi ykkur vel stelpur. FYLKIR ÁRBÆJARINS BESTA," segir í Facebook færslu frá Fylki.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.