30.01.21 - 14:41
Ívan Guðjón Baldursson
Deulofeu skrifar undir hjá Udinese (Staðfest)


Mynd: Getty Images


Mynd: Getty Images
Watford er búið að staðfesta félagaskipti spænska framherjans Gerard Deulofeu til Udinese. Þessi félög hafa verið mikið að skiptast á leikmönnum undanfarin ár þar sem þau eru bæði í eigu ítölsku Pozzo fjölskyldunnar.
Deulofeu er 26 ára gamall og hefur ekki tekist að festa sig í sessi í byrjunarliðinu hjá Udinese, sem krækti einnig í Roberto Pereyra og Ignacio Pussetto frá Watford í haust.
Deulofeu, sem á leiki að baki fyrir Barcelona, AC Milan, Sevilla og Everton, skoraði 17 mörk í 70 leikjum hjá Watford.
Framherjinn þótti gríðarlega efnilegur á sínum tíma og var algjör lykilmaður í feykilega öflugum yngri landsliðum Spánar. Hann gerði til að mynda 17 mörk í 36 leikjum fyrir U21 liðið.
„Við þökkum Gerard fyrir hans framlag til félagsins og óskum hans alls hins besta í framtíðinni," segir í yfirlýsingu frá Watford.
Deulofeu skrifar undir samning við Udinese sem gildir í þrjú og hálft ár.
Deulofeu, sem á leiki að baki fyrir Barcelona, AC Milan, Sevilla og Everton, skoraði 17 mörk í 70 leikjum hjá Watford.
Framherjinn þótti gríðarlega efnilegur á sínum tíma og var algjör lykilmaður í feykilega öflugum yngri landsliðum Spánar. Hann gerði til að mynda 17 mörk í 36 leikjum fyrir U21 liðið.
„Við þökkum Gerard fyrir hans framlag til félagsins og óskum hans alls hins besta í framtíðinni," segir í yfirlýsingu frá Watford.
Deulofeu skrifar undir samning við Udinese sem gildir í þrjú og hálft ár.
GERARD 2️⃣0️⃣2️⃣4️⃣ 🤩
— Udinese Calcio (@Udinese_1896) January 30, 2021
👉 https://t.co/SwyOJxfCsA
⚪️⚫️ #ForzaUdinese #AlèUdin pic.twitter.com/4QhpdnZ4Tj
