Fotbolti.net
30.01.21 - 21:36
Guðmundur Aðalsteinn Ásgeirsson

Gunnhildi skipt til Orlando Pride (Staðfest)

Gunnhildur í landsleik.

Gunnhildur í landsleik.

Canon

Mynd: Fótbolti.net - Hafliði Breiðfjörð

Kvennaboltinn
Landsliðskonan Gunnhildur Yrsa Jónsdóttir mun spila með Orlando Pride í bandarísku kvennadeildinni á næstu leiktíð.
Það var tilkynnt í kvöld að henni hefði verið skipt til félagsins en í flestum bandarískum íþróttum er það þannig að leikmönnum er skipt á milli félaga. Það tíðkast til að mynda í NBA-deildinni í körfubolta og í NFL-deildinni (bandarískur fótbolti).

Það er líka þannig í fótboltanum og var Gunnhildi í dag skipt yfir til Orlando frá Kansas City. Gunnhildur fer til Orlando í skiptum fyrir varnarmanninn Kristen Edmonds og valrétt í annarri umferð nýliðavalsins 2022. Í nýliðavalinu fá félög að draga inn unga leikmenn úr háskólaboltanum.

Erin McLeod, kærasta Gunnhildar, spilar með Orlando Pride og munu þær því spila saman á næstu leiktíð. Með Orlando Pride spilar einnig hin brasilíska Marta sem er ein besta fótboltakona sögunnar.

Gunnhildur Yrsa er 32 ára gömul og var hún á láni hjá Val á síðasta tímabili.

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.