Frimpong frá í nokkrar vikur - Konate í hóp

Annað kvöld klukkan 20 tekur Liverpool á móti Newcastle í ensku úrvalsdeildinni. Arne Slot, stjóri Liverpool, spjallaði við fréttamenn nú rétt áðan og fór yfir stöðuna á leikmannahópnum.

Jeremie Frimpong fór meiddur af velli í byrjun Meistaradeildarleiksins gegn Qarabag í vikunni. Hann er meiddur á nára og verður frá næstu vikurnar.

„Hann verður frá í nokkrar vikur en meiðslin eru ekki eins alvarleg og við óttuðumst fyrst. Það er smá jákvætt úr fréttum sem eru ekki jákvæðar," sagði Slot.

Slot útilokar ekki að fara á markaðinn ef rétti leikmaðurinn muni bjóðast áður en glugganum verður lokað á mánudag. Hann segir að sá leikmaður sé þó ekki í húsi.