Sífellt fleiri leita sér hjálpar vegna nikótínpúða

Púðarnir innihalda nikótín án tóbaks og eru oft notaðir sem hjálpartæki til að hætta að reykja sígarettur. Á Bretlandi er notkun púðanna lögleg en það er ólöglegt að selja þá í hagnaðarskyni.

Fótboltamenn sem hafa ánetjast þessum púðum eiga erfitt með að hætta að nota þá og hafa þess vegna leitað sér hjálpar.

Samtök atvinnumanna í fótbolta á Englandi, PFA, greina frá þessu og ætla að hefja rannsókn á þessum púðum og mögulegum neikvæðum langtímaáhrifum sem þeir geta haft á heilsu og getu íþróttamanna.

Það eru læknisteymi fótboltaliða sem hafa verið að tilkynna um aukna notkun á nikótínpúðum meðal leikmanna á æfingasvæðum.

Markmið PFA er að rannsaka nikótínpúðana og auka allt forvarnarstarf í kringum þá fyrst að nikótín er ekki á lista yfir efni sem fótboltamenn mega ekki innbyrða.