Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   lau 30. maí 2020 06:00
Ívan Guðjón Baldursson
Æfingaleikur: ÍA lagði Grindavík - Sjáðu mörkin
Mynd: Fótbolti.net - Hafliði Breiðfjörð
ÍA 4 - 2 Grindavík
1-0 Unnur Haraldsdóttir ('10)
2-0 Fríða Halldórsdóttir ('22)
3-0 Sandra Ósk Alfreðsdóttir ('28)
4-0 Fríða Halldórsdóttir ('45)
4-1 Birgitta Hallgrímsdóttir ('49)
4-2 Una Rós Unnarsdóttir ('56)

ÍA mætti Grindavík í æfingaleik í gær og komust Skagastúlkur í fjögurra marka forystu fyrir leikhlé.

Markvörður Grindavíkur átti afleitan fyrri hálfleik og átti stóran þátt í þremur fyrstu mörkum andstæðinganna sem voru ansi skrautleg.

Fjórða mark ÍA var einnig skrautlegt en í þetta sinn var ekki mikið hægt að sakast við markvörðinn, heldur átti varnarmaður afleita sendingu til baka sem Fríða Halldórsdóttir fór inn í og skoraði sitt annað mark í leiknum.

Grindavík sló frá sér í síðari hálfleik og minnkaði muninn niður í tvö mörk þökk sé flottum mörkum frá Birgittu Hallgrímsdóttur og Unu Rós Unnarsdóttur.

Meira var ekki skorað og lokatölur 4-2. Mörkin úr leiknum má sjá hér fyrir neðan. Þar fyrir neðan má svo sjá mörkin úr viðureign ÍA og ÍBV í meistaraflokki karla sem fór fram á miðvikudaginn.




Athugasemdir
banner
banner
banner
banner