Helgi stoltur af sínum strákum.
„Strákarnir voru frábærir í dag, það voru allir tilbúnir að leggjast á eitt og berjast fyrir þessu," sagði Helgi Sigurðsson, þjálfari KA, eftir sigur gegn ÍBV í framlengdum leik í 16-liða úrslitum Mjólkurbikarsins.
„Við áttum þetta skilið, við vorum betra liðið í dag. Ég get ekki annað en verið hrikalega stoltur af liðinu."
„Við áttum þetta skilið, við vorum betra liðið í dag. Ég get ekki annað en verið hrikalega stoltur af liðinu."
Lestu um leikinn: KA 1 - 3 ÍBV
Gary Martin og Víðir Þorvarðarson komu inn á sem varamenn og komu þeir inn með mikinn hraða. Þeir skoruðu þá líka mörkin í framlengingunni.
„'Masterplanið' gekk eftir. Við vildum vera þéttir í fyrri hálfleik og leyfa þeim að hlaupa með boltann. Við ætluðum svo að keyra á þá í síðari hálfleik. Við gerðum frábært mark í fyrri hálfleik og það er ekki eins og ég hafi verið með einhverja auminga í liðinu. Ég er hrikalega stoltur af öllu liðinu, sama hvort að það voru þeir sem voru á bekknum eða þeir sem byrjuðu leikinn. Hver og einn einasti lagði allt í þetta og þá er von á góðum úrslitum."
Viðtalið er í heild sinni hér að ofan.
