Ítalía: Fiorentina áfram í fallsæti eftir tap gegn meisturunum

Íslenski landsliðsmaðurinn var eins og venjulega í byrjunarliði Fiorentina sem var alls ekki slakari aðilinn gegn lærisveinum Antonio Conte.

Albert átti meira að segja frábæran skalla sem Alex Meret varði meistaralega. Meret var að eiga góðan leik bæði á milli stanganna og í sóknarleiknum, en hann átti langt útspark á 11. mínútu fram völlinn á Antonio Vergara sem skoraði.

Miguel Gutierrez bætti við öðru á 49. mínútu áður en Manor Solomon minnkaði muninn.

Napoli varð fyrir blóðtöku í leiknum er Giovanni Di Lorenzo fór af velli en tímabilið er líklega búið hjá ítalska varnarmanninum og líkur Napoli á að taka titilinn orðnar minni fyrir vikið.

Sigur Napoli þýðir að liðið er með 46 stig í 3. sæti, sex stigum frá toppnum en Fiorentina í 18. sæti með 17 stig.

Cagliari vann 4-0 stórsigur á Hellas Verona og þá hafði Sassuolo betur gegn Pisa, 3-1, á útivelli.

Cagliari 4 - 0 Verona
1-0 Luca Mazzitelli ('36 )
2-0 Semih Kilicsoy ('45 )
3-0 Ibrahim Sulemana ('84 )
4-0 Riyad Idrissi ('90 )
Rautt spjald: Amin Sarr, Verona ('51)

Pisa 1 - 3 Sassuolo
0-1 Domenico Berardi ('25 )
0-2 Antonio Caracciolo ('45 , sjálfsmark)
1-2 Michel Aebischer ('51 )
1-3 Ismael Kone ('58 )

Napoli 2 - 1 Fiorentina
1-0 Antonio Vergara ('11 )
2-0 Miguel Gutierrez ('49 )
2-1 Manor Solomon ('57 )