„Nýt þess í botn að spila með Ekitike"

Wirtz skoraði stórfenglegt mark í síðari hálfleiknum og lagði upp eitt af tveimur mörkum Hugo Ekitike í fyrri hálfleiknum.

Hann hefur komið að níu mörkum í síðustu tíu leikjum með Liverpool sem er í fimmta sæti deildarinnar.

„Þetta var góð endurkoma. Þegar við lentum 1-0 undir komum við saman sem lið og börðumst til baka. Það er besta og eina rétta í stöðunni."

„Við fengum mörg góð færi og stundum vantaði aðeins upp á í úrslitasendingunni en það er alltaf gott að setja pressu á Newcastle og halda þeim á eigin vallarhelmingi. Sem lið erum við að gera mjög vel."

„Ég mun njóta þess að skora mörk svo lengi sem ég held áfram að hjálpa liðinu að vinna leiki. Ég er ánægður og það er best í heimi að fagna eigin marki. Ég er bara ánægður að spila hér fyrir framan stuðningsmennina," sagði Wirtz.

Hann og Ekitike hafa náð sérstaklega vel saman, en Wirtz segist njóta þess að spila með Frakkanum.

„Ég held að það geta allir séð gæðin í honum og hversu frábær leikmaður hann er. Hann er svo fljótur og er frábær að klára færin. Ég nýt þess í botn að spila með honum," sagði Wirtz.