banner
   mið 31. mars 2021 09:10
Magnús Már Einarsson
Aguero til Manchester United?
Powerade
Hvert fer Aguero í sumar?
Hvert fer Aguero í sumar?
Mynd: Getty Images
Romelu Lukaku.
Romelu Lukaku.
Mynd: Getty Images
Ensku slúðurblöðin eru í miklu stuði í dag og pakkinn er mjög langur. Njótið!



Manchester City ætlar að reyna að fá Harry Kane (27) ef félaginu mistekst að fá Erling Braut Haaland frá Dortmund í sumar. (The Times)

Manchester City og Chelsea vilja bæði fá Romelu Lukaku (27) frá Inter ef þeim tekst ekki að landa Haaland. (Eurosport)

City vonast eftir að landa Haaland í sumar en hann á að fylla skarð Sergio Aguero sem er á förum. (Manchester Evening News)

Jack Grealish (25) er á óskalista Manchester City en hann gæti misst af félagaskiptunum þar sem Aston Villa hefur sett 100 milljóna punda verðmiða á hann. (Telegraph)

Manchester United hefur boðið Sergio Aguero samning en Chelsea, Inter og PSG hafa einnig áhuga. (Star)

Aguero hefur verið orðaður við Barcelona en spænska félagið gæti frekar reynt að fá Memphis Depay, Haaland eða Lukaku þar sem þeir eru yngri. (Mundo Deportivo)

Lionel Messi hefur sagt Barcelona að semja við landa sinn Aguero. Ef Barcelona semur við Aguero gæti það ýtt á Messi að gera nýjan samning. (Football Insider)

Ibrahima Konate (21) varnarmaður RB Leipzig er búinn að fara í hluta af læknisskoðuninni fyrir félagaskipti til Liverpool í sumar. (RMC Sport)

Rodrigo (30) er ósáttur hjá Leeds og vill snúa aftur til Spánar. Bæði Real Betis og Sevilla hafa áhuga. (Fichajes)

Argentínski miðjumaðurinn Rodrigo de Paul (26) vill fara til Leeds ef hann yfirgefur Udinese í sumar. (Teamtalk)

Kylian Mbappe (22) ætlar ekki á Ólympíuleikana með Frökkum í sumar þar sem hann vill einbeita sér að því að ákveða framtíð sína. Mbappe getur gert nýjan samning við PSG eða farið til Liverpool, Manchester City eða Real Madrid. (Le Parisien)

Burnley ætlar að ráða Chris Wilder, fyrrm stjóra Sheffield United, ef Sean Dyche hættir í sumar. Dyche hefur verið orðaður við bæði Crystal Palace og Newcastle. (Daily Mail)

Crystal Palace, West Ham og Wolves vilja öll fá varnarmanninn Harry Souttar (22) frá Stoke. (Express)

Manchester United, Chelsea og PSG eru í kapphlaupi um Eduardo Camavinga (18) miðjumann Rennes. Real Madrid hefur einnig áhuga en Camavinga hefur áhyggjur af því að Zinedine Zidane hætti sem þjálfari þar. (AS)

Arsenal, Leicester og Strasbourg vilja fá Ismale Doukoure (17) varnarmann Valenciennes. (Foot Mercato)

Galatasaray og Besiktas eru á eftir Christian Benteke (30) framherja Crystal Palace. (Fanatik)

Mohamed Elneny (28) vill framlengja samning sinn við Arsenal frekar en að semja við félag í Tyrklandi. (Football London)
Athugasemdir
banner
banner
banner