Sancho skoraði þrennu fyrir Dortmund í dag. Hann segir að fólk verði að koma saman sem eitt og berjast fyrir réttlæti.
Jadon Sancho fór á kostum þegar Borussia Dortmund vann 6-1 sigur á Paderborn í þýsku úrvalsdeildinni í dag. Englendingurinn skoraði þrennu fyrir Dortmund og er það hans fyrsta þrenna í aðalliðsfótbolta.
Eftir að hafa komið boltanum í netið minntist Sancho, George Floyd, sem var myrtur af lögreglumanni í Bandaríkjunum á dögunum. Málið hefur vakið óhug um allan heim og mikið hefur verið mótmælt í Bandaríkjunum í kjölfar morðsins.
Sancho segir að fyrsta þrennan á ferlinum hafi verið súrsæt. „Þetta er súrsætt fyrir mig þar sem það eru mikilvægari mál í gangi í heiminum sem við þurfum að hjálpa til við að breyta," skrifar Sancho á samfélagsmiðlum.
„Við verðum að koma saman sem eitt og berjast fyrir réttlæti. Við erum sterkari saman."
Sjá einnig:
Birtingarmynd djúpstæðs kynþáttamisréttis (RÚV)
First professional hat trick 🙏🏼. A bittersweet moment personally as there are more important things going on in the world today that we must address and help make a change. We have to come together as one & fight for justice. We are stronger together! ❤️ #JusticeForGeorgeFloyd 🙏🏼 pic.twitter.com/ntOtwOySCO
— Jadon Sancho (@Sanchooo10) May 31, 2020
Athugasemdir