Brasilía og Japan tryggðu sig í dag inn í undanúrslitin á Ólympíuleikunum í Tókýo. Matheus Cunha skoraði sigurmark brasilíska liðsins.
Cunha skoraði eina mark leiksins gegn Egyptalandi en það kom á 37. mínútu eftir undirbúning frá Richarlison.
Brasilía mætir Mexíkó eða Suður-Kóreu.
Japan vann þá Nýja-Sjáland 4-2 í vítaspyrnukeppni. Staðan var markalaus eftir venjulegan leiktíma.
Japanska liðið skoraði úr öllum spyrnum sínum í vítaspyrnukeppninni og mætir því Spánverjum í undanúrslitum.
Athugasemdir