Þakkar vini sínum Holtan fyrir klúðrið - „Sá að Aron horfði í þetta horn þrisvar“
„Þetta er vissulega svekkjandi jafntefli. Við komumst í 2-1 og vorum þannig séð með unninn leik. Mjög pirrandi að missa þetta niður og fá jöfnunarmark á sig fimm mínútum seinna,“ sagði Ólafur Örn Ásgeirsson, markvörður HK, eftir 2-2 jafntefli gegn Aftureldingu í Lengjudeildinni fyrr í kvöld.
Ólafur varði vítaspyrnu undir lok fyrri hálfleiks eftir að Gunnar Freyr Róbertsson dómari benti á punktinn og dæmdi hendi á Aron Kristófer Lárusson.
